Le jur que jeo vus enfuirai,
Ordre de Moigne recevrai ;
Sur vostre tumbe chescun jur,
Ferai refreindre ma dolur.
A-tant s’en part de la Pucele
Si ferme l’us de la chapele ;
A sun ostel ad envéé,
Sun Message li ad cunté
A sa femme que il veneit,
Mès las è travaillé esteit.
Quant el l’oï, mut en fu lié
Cuntre lui s’est apareillié ;
Sun Seignur receit bonement,
Mès poi de joïe l’en atent.
Kar unques bel semblant ne fist
Ne bone parole ne dist,
Nul nel’ osot mettre à reisun,
Deus jurs esteit en la meisun.
La messe oeit bien par matin,
Puis se meteit sus al chemin,
Al bois alot à la chapele,
Là ù giseit la Dameisele.
En la paumeisun l’a trovot,
Ne reveneit, ne suspirot,
De ceo li semblot grant merveille
K’il la véeit blanche è vermeille.
Unkes la colur ne perdi,
Fors un petit qu’ele enpali ;
Page:Marie de France - Poésies, éd. Roquefort, I, 1820.djvu/484
Cette page a été validée par deux contributeurs.
468
LAI D’ELIDUC.
