Mes jà pur li ceo ne fereit,
Ne tel dolur ne demenreit.
A cele feiz le lait issi
Cel jur mesmes après midi,
Vait Eliduc parler al Rei.
Ele prent le Vadlet od sei,
Al hermitage l’ad mené,
Quant en la chapele est entré
E vit le lit à la Pucele
Qui resemblot rose nuvele,
Del’ cuvertur l’ad descovri,
E vit le cors tant eschevi ;
Les bras lungs, è blanches les meins,
E les deiz greilles, lungs, è pleins,
Or seit-ele la vérité
Porquoi sis Sires ad duel mené.
Le Vadlet avant apelat,
E la merveille li mustrat,
Veiz tu, fet-ele, ceste femme
Qui de beuté resemble gemme,
Ceo est l’Amie mun Seignur,
Parquoi il meine tele dolur.
Par fei, jeo ne me merveil mie
Quant si bele femme est périe,
Tant par pitié, tant par amur,
Jamés n’averai joie nul jur.
Ele cumencet à plurer,
E la Meschine regreter.
Page:Marie de France - Poésies, éd. Roquefort, I, 1820.djvu/488
Cette page a été validée par deux contributeurs.
472
LAI D’ELIDUC.