Devant li list s’asist plurant,
Une musteile vins curant,
Desuz l’auter esteil eissue
E le Vadlet l’aveit ferue
Por ceo que sur le cors passa,
De un bastun qu’il tint la tua.
Enmi l’eire l’aveit getée,
Ne demura ke une loée
Quant sa cumpaine i acurrut,
Si vit la place ù ele jut.
Ensur la teste li ala,
E del’ .pié suvent l’a marcha
Quant ne l’a pot fère lever,
Semblant feseit de doel mener.
De la chapele esteit eissue,
As herbes est al bois venue,
Od ses denz ad pris une flur,
Tute de vermeille colur,
Hastivement reveit arière,
Dedenz la buche en teu manère
A sa cumpaine l’aveit mise
Que li Vadlez aveit ocise
En mêmes l’ure fu revescue ;
Li Dame l’ad aparcéu :
Al Vadlet crie : si retien la,
Jetez franc-humme mar se ira,
E il geta, si la féri,
Que la florete li chéi.
Page:Marie de France - Poésies, éd. Roquefort, I, 1820.djvu/490
Cette page a été validée par deux contributeurs.
474
LAI D’ELIDUC.
![](http://upload.wikimedia.org/wikipedia/commons/thumb/7/7c/Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu/page490-1024px-Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu.jpg)