Trente nunains ensemble od li,
S’ajue è sun ordre establi.
Eliduc s’Amie ad prise,
A grant honur od bel guise,
En fu la feste démenée,
Le jur k’il l’aveit espusée.
Ensemble vesquirent meint jur
Mut od entre eus parfet amur.
Granz aumoines è granz biens firent
Tant que à Deu se cunvertirent.
Près del’ chastel, del’ autre part,
Par grant cunseil è par esgart,
Une église fit Elidus,
De sa tere i mist le plus ;
E tut sun or, è sun argent,
Hummes i mist, è autre gent,
De mut bone religiun,
Pur tenir l’ordre è la meisun.
Quant tut aveit appareillé
E n’en ad puis guèrres targé ;
Ensemble od eus se dune è rent,
Pur servir Deu omnipotent.
Ensemble od sa femme primère
Mist sa femme ke tant ot chère ;
El la reçeut cum sa serur,
E mut li porta grant honur :
De Deu servir l’amonesta,
E sun ordre li enseigna.
Page:Marie de France - Poésies, éd. Roquefort, I, 1820.djvu/498
Cette page a été validée par deux contributeurs.
482
LAI D’ELIDUC.
