Ne de boire ne de mangier,
Fors d’iax ensanble couchier,
Mais cho ne leur est pas en grée.
Tantost com furent de l’aé,
K’en soi le puist souffrir Nature,
En bien amer misent lor cure ;
Si fu li enfantis amours,
K’il orent maintenu tous-jours ;
Une autre amors i herbeja
Que Nature i aporta.
N’i a celui qui ne s’en sente,
Toute i ont mise lor entente,
De lor déduit à çou mener,
En iax baisier et acoler.
Tant les mena qu’al cief del’tor,
Les joinst ensanble cel’amor,
Et tous li corages d’arière,
Lor torna en autre manière,
Comme cascuns plus s’aparçut.
De tant en iax l’amors plus crut.
Mout s’entramoient loiaument,
S’il éussent tel essient
De bien lor amors à garder,
Com il orent en iax amer.
A paines fussent dechéu
Mais tost furent aperchéu.
Ensi avint que li Dansiax,
Ki tant estoit et preus et biax,
Page:Marie de France - Poésies, éd. Roquefort, I, 1820.djvu/562
Apparence
Cette page a été validée par deux contributeurs.
546
LAI DE L’ESPINE.