Diex ! quel cure et quel péciés !
Com folement me sui gaitiés !
Certes se je ne r’ai m’Amie
Bien por li ne perdrai la vie.
Endementiers quel duel fait,
La Roïne au Roi s’en vait,
Ki jure et dit comme Roïne,
E bien se garde la Meschine
Que il o ma fille ne voist,
Car autre cose ne li loist,
C’à ma fille ne voist parler,
Pensés de votre fil garder ?
En la Cort remest o son père,
Et la Meschine o sa mère ;
Mais endui si gardé estoient
Parler ensanble ne poeient,
Ne de riens n’avoient loisir,
Ne d’iax véoir ne d’iax oïr,
Par mésage ne par serjant.
Tant ala la mort destraignant
Huit jours devant le Saint Jehan,
En méisme, en icel an
C’on fist del’ Varlet Chevalier,
Li Rois est venus de cachier.
Car ot prise à grant fuison,
Et volatile et venison ;
La nuit quant vint après souper,
Li Rois s’asist por déporter,
Page:Marie de France - Poésies, éd. Roquefort, I, 1820.djvu/570
Cette page a été validée par deux contributeurs.
554
LAI DE L’ESPINE.
![](http://upload.wikimedia.org/wikipedia/commons/thumb/7/7c/Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu/page570-1024px-Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu.jpg)