Sor che que puis qu’il çaint l’espée,
N’ot-il aventure trovée ;
Or li estuet par hardieche
Faire malvaistié ne proeche,
Apriès le conte, et la Pucele,
Le Roi et les Barons apiele,
Et tuit loent petit et grant.
Signor, fait-il, à vos me vant
Que la nuis, que dist la Mescine,
Gaiterai au Gué de l’Espine,
Et prendrai illuec aventure
Quels-qu’ele soit u povre u dure.
Quant li Rois l’ot s’en ot pesance,
La parole tint à enfance.
Biax Fils, fait-il, lais ta folie,
Cil dit qu’il ne le laira mie,
Mais toute voies i irai ;
Qant illec voit qu’il nel’ lairat,
Ne l’en volt avant faire vie.
Or tost, fait-il, à Dieu congie ;
Et si soiés preus et séurs,
Et Diex te doinse bons éures.
Cele nuit alèrent cochier,
Ensi sueffre le Chevalier ;
Déssi qui fu au seme jor ;
S’Amie fu en grant fréor ;
Car bien ot oï noveler
Que ses amis en dut aler.
Page:Marie de France - Poésies, éd. Roquefort, I, 1820.djvu/574
Cette page a été validée par deux contributeurs.
558
LAI DE L’ESPINE.
