Cette page a été validée par deux contributeurs.
PROLOGUE[1].
Ki Deus ad doné en science,
De parler la bone éloquence,
Ne s’en deit taisir ne celer,
Ainz se deit volunters mustrer.
Quant uns granz biens est mult oïz,
Dunc à per-mesmes est-il fluriz ;
E quant loez est de plusurs
Dunc ad espandues ses flurs.
Custume fut as Ansciens,
Ceo le tesmoine Prescien,
Es livres que jadis feseient,
Assez oscurement diseient,
Pur ceus ki à venir esteient
E ki aprendre les deveient,
Ki puessent glosser la lettre,
E de lur sen le surplus mettre ;
Li Philesophe le saveient
Et par eus mesmes entendeient,
Cum plus trespassèrent le tens,
- ↑ Ce Prologue, qui contient la dédicace des Lais, n’existe pas dans les manuscrits de France ; il se trouve dans le Museum Britannicum, ms. de la bibliothèque Harléiène, no 978.
