Del’ fu dunt Gugemer se sent
Qui son queor alume è esprent.
Li Chevaliers est remès sous,
Pensis esteit è angoisous ;
Ne seit encore que ceo deit,
Mès nepurquant bien s’aparçeit,
Se par la Dame n’est garis,
De la mort est séurs è fis.
Hà ! Las, fait-il, que je ferai !
Irai à li, si li dirai
Que ele ait merci et pitié
De cest caitif descunseillié !
S’ele refuse ma prière
E tant seit orgoilluse è fière,
Dunc m’estuet à doel murir,
U de cest mal tus-jurs languir.
Lors suspira ; en poi de tens
Li est venus novel purpens,
E dist que suffrir li estuet,
Car ensi fait qui mix ne puet.
Tute la nuit ad si veillié,
Et suspiré è traveillié,
En sun quer alot recordant,
Les paroles è le sanblant,
Les oilz vairs et la bele buche,
Dunt la duçors al quer le tuche ;
Entre ses dens merci li crie,
Pur poi nel’ apelet s’amie.
Page:Marie de France - Poésies, éd. Roquefort, I, 1820.djvu/94
Cette page a été validée par deux contributeurs.
78
LAI DE GUGEMER.
![](http://upload.wikimedia.org/wikipedia/commons/thumb/7/7c/Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu/page94-1024px-Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu.jpg)