Le texte de cette page a été corrigé et est conforme au fac-similé.
276
POÉSIES
E par resun li veut mustrer
Q’ancor puet plus poissant truver.
Ce est li Venz, bien i esgart,
Car quant il vente il la départ[1] ;
Fait li Musès à lui irai
Jà ta Fille mais ne prendrai[2].
Adunc en est alez au Vent,
Si li a dit cunfaitement[3],
La Nue li a envoié,
Si li a dit et enseignié,
Q’il esteit de si fort nature
Q’en sa force n’aveit mesure.
Tutes autres riens départeit
Par sun grant Vent les destruieit[4] ;
Pur ço vuleit sa Fille prendre,
Ne volleit mes aillurs entendre,
Pur ce qu’il ot oï cunter
Qe rien nel’ pooit cuntrester[5].
Li Venz respunt : tu as failli
- ↑
Qu’il ert la plus fort criature,
Qe sa force n’en a mesure.