Le texte de cette page a été corrigé et est conforme au fac-similé.
311
DE MARIE DE FRANCE.
K’est-ce, fet-il que voi-jou là ?
Chest un Mutons, ce m’est avis.
Ne fust pur çou que j’ai pramis,
Que nule char se ne mengereie,
De sun costé me refereie.
Or ai, fait-il, parlé folie.
Gel’ voi tut seus sanz cumpaignie,
Ce m’est avis si jeo nel’ gart[1]
Tix i vienra d’aucune part
Qui l’enmenra ensanble od sei,
Si n’en laira noient pur mei.
Geo puis bien prenre le Motun
Se le menjerai cum Saumun.
Car li Saumons plus custereit
Que li Moutons ne rendereit.
Dunques prist li Lox le Mutun
Si l’estrangla lès uns buissun
E le menga sanz demurer.
MORALITÉ.
Par cest Flabel vus vueil mustrer
- ↑
Se pour ce nou que j’ai pramis.
- ↑
Faim ai, fait-il, par ma folie,
- ↑
Miex vaut de Saumon à mangier,
Aussi l’à ma bouche plus cier.
- ↑ Je pense que si je ne le garde pas pour moi, tel autre viendra qui l’emmenera avec lui.