Le texte de cette page a été corrigé et est conforme au fac-similé.
313
DE MARIE DE FRANCE.
FABLE LXXIV.
D’une Singesse et de son Enfant[1].
Une Singesse aleit mustrant
A tutes Bestes sun Enfant,
Si l’en teneïent tuit pur fole
E par sanlant è par parole ;
Tant k’a un Liun le mustra.
Au commencier li demanda
Se il est biax ; cil li a dit
Qu’ains plus leide beste ne vit ;
Porter li reuve en sa meisun
E si recort ceste rèsun.
Chascuns Houpix prise sa couwe[2]
Si s’esmerveille quele est souwe.
Cele s’en vait triste et dolente,
Un Ors encuntre en mi la sente[3] ;
- ↑ Le Grand d’Aussy, Fabliaux, in-8o, tom. IV, p. 189.
- ↑ Chaque renard prise sa queue, il est glorieux qu’elle lui appartienne.
- ↑ Au milieu du chemin.
Variantes.
- ↑
Tant qu’au Lyon l’ala moustrer,
Si li commance à demander
Cis enfès est biax ; ce li a dit.