Le texte de cette page a été corrigé et est conforme au fac-similé.
375
DE MARIE DE FRANCE.
En-mi la lande s’arrestut :
Li Leus demanda ke çou dut
K’il s’ert en cele lande mis
E ki l’aveit li dedenz quis.
Li Bous respunt : jou vus foï[1]
Tant cum jeo peu ; or sai de fi
Jeo ne puis mais aler avant[2],
Pur ce vus sui alez querant.
Le Lox redit jeo t’arai quis
Par tus les lius de cest païs.
Ce m’est avis, un an entier :
Moult avoie grant desirrier
De ta char mengier, qui est saine,
Tu n’ès mie carchiés de laine.
Or m’avez, fait li Bués, truvé ;
Si vus requier, par carité,
Qu’aucune merci et pardun
Aiez de vustre cunpaignun.
Li Lux li dit, qant il l’oï,
Geo n’arai jà de toi merci,