Page:Marie de France - Poésies, éd. Roquefort, II, 1820.djvu/400

388

POÉSIES

Li Caz respunt par brief sarmun
^[a]Nus ne summes mie conpaingnun^[1].
Qar geo ne sai fors c’un engin
Ce sevent bien tuit mi veisin.
Là ù il vunt einssi pallant
Deus Chiens virent venir curant ;
Li Gorpilz vers le Chat s’escrie :
Or ai-jou mestier de t’aïe^[2].20
Li Chaz respunt si ajue toi,
N’ai k’un engig, il est od moi ;
Dunt salli li Chaz sor l’espine^[3] ;
Li Kien sessisent par l’esquine
Le Horpil, s’el vunt descirant ;
^[b]Li Caz li escrie maintenant :
Compains, fet-il, pur-coi t’ublies,
Pur-coi tut tun sac ne deslies,
Tu l’espargnes trop lungement,
Li Chien te hastent durement,30

1. Nos ne serons pas compaignon.

2. Li Chaz li a escrié tant,
   Compains, dist-il, porcoi t’oblies
   Que tot ton sens tot ne desplies.

1. Nous ne pouvons pas être compagnons.
2. J’ai besoin de ton secours.
3. Le chat alors saute sur un arbre.