Le texte de cette page a été corrigé et est conforme au fac-similé.
428
POÉSIES
Ne ne senti, ne n’atucha,
Qui al quer venist à délit
Où tu éusses nul profit.
En ta yiande n’out-il el
Fors ewe freide, pain, è sel ;
Tost après ço morust icist
S’alme rendi à Jhésu-Crist.
Seignurs si cum dit li Escriz
Plusurs genz el tens Seint-Patriz
E en autres tems autresi
Issi cum nus avums oï,
Dedenz l’Espurgatoire entrèrent
E puis après s’en returnèrent.
E meinz, è nuit mult retenuz
Qui furent périz è perduz ;
Cels ke revindrent le cuntèrent,
Li Chanoine tut embrevèrent,
Pur édifier autre gent
E k’il ne dutassent néent.
E si nus, dist-il, aukes plus
Ke ço fud custumes è us,
Cil qui einz voleïent entrer
E l’Espurgatoire espruver
A l’Eveske durent aler,
E lur confessiun mustrer ;
E c’après la confessiun,