Le texte de cette page a été corrigé et est conforme au fac-similé.
442
POÉSIES
Gardez ke tus nel’ obliez.
Délivre serrez par cel nun
Par la Deu grace le savun ;
Ne povuns plus od vus ci-estre,
Comandum tus al Rei célestre.
Après cele bénéeiçun
S’en départirent li Barun.
Li Chevalers remis, sutis,
Apparillez, è ententis
De novele bataille emprendre,
Por-qu’à Deu puisse l’alme rendre.
Cil se combati mult sovent
Par prouesce contre la gent ;
Apresté s’est è covenables
De combattre contre Diables,
Bonement en Deu espérant,
Atent liquel vendrunt avant.
Des armes s’est-il bien armez
E bien garniz è aturnez ;
Hauberc de justise out vestu,
Par quel le cors out defendu
Del’ engin de ses anemis,
E l’escu de fiance out pris.
Haume out fait de créance
L’autre arméure d’espérance ;
Espeie ad del Seint Espirit,