Ert délivrés véirement,
Par messes è par oreisons,
E par almones è par dons,
Qu’om done à povre gent por eus.
Tuit èrent délivres, fors ceus
Qui en la bouche d’enfer sunt,
Jamès de Deu merci n’aurunt ;
Es autres tormenz sunt nos pères,
Mère, sorus, parenz et frères,
Attendans sunt à nos bien-feiz
Tant ke d’iluec les ait Deus treiz.
Ses’ veissons corporelement
Ci entre nus suffrir turment,
Trop grant leidesce feriuns,
Se nus ne lur aidissiuns,
Greignur mestier en ont-il là
Que s’il fuissent entre nus ça.
Seint Grégoires testimonie,
Qui parole de cele vie,
Que cil qui de cest siècle vunt
E en l’Espurgatoire sunt,
Qu’il sunt alégés par iceus
Qui almosne è bien funt pur eus.
Mult est grant mais quant en l’iglise
Devom escouter lur servise
Que plus volum à el entendre,
Page:Marie de France - Poésies, éd. Roquefort, II, 1820.djvu/479
Le texte de cette page a été corrigé et est conforme au fac-similé.
467
DE MARIE DE FRANCE.
