Cette page a été validée par deux contributeurs.
172
LAI DEL FREISNE.
Dame, fet-il, que dites vus ?
Il n’ad si bien nun entre nus.
Quanke vus plest seit parduné,
Dites mei vostre volunté.
Sire, quant parduné l’avez,
Jel’ vus dirai, si m’escutez :
Jadis par ma grant vileinie
De ma veisine dis folie ;
De ses deus enfanz mesparlai,
E vers mei méismes errai.
Verité est que j’enceintai,
Deus filles eus, l’une celai.
Ad un muster la fis geter,
E nostre pali od li porter,
E l’anel que vus me donastes
Quant vus primes od mei parlastes.
Ne nus peot mie estre celé ;
Le drap è l’anel ai trové ;
Nostre fille ai ici conue,