Cette page n’a pas encore été corrigée
Vous pourroit il saluer haultement ?
Fort luy seroit, car petite Clochette
A beau branler avant que ung hault son jecte :
Puis qu’il n’a donc que humble, et basse value,
Par ung bas stile humblement vous salue.
Mais qui est il ce gentil salueur,
Qui ose ainsi approcher sa lueur.
Du cler Soleil, qui la peult effacer ?
C’est ung Marot : lequel vient pourchasser
Ung traict verbal de vostre Bouche exquise,
Pour bien tirer droict au blanc, où il vise.
Ce qu’il attend en ceste Court, gist là,
Et ce pendant pour tous Tresors il a
