Cette page n’a pas encore été corrigée
En cest endroict. Et avant vous supply,
Si rencontrez rien dur en cest Epistre,
De l’oublier, et n’en tenir registre :
Car bien à tord vouldroit l’homme desplaire,
(S’il n’est trop fainct) qui mect peine à complaire.
A celluy qui l’iniuria par escript & ne s’osa nommer
(De la Suyte)
Quiconques soys, tant soys tu brave,
Qui ton orde, et puante bave
Contre moy a esté crachant,
Tu es Sot, Craintif, et Meschant.
Ta Sottie on voyt bien parfaicte
En l’Epistre, que tu as faicte
Sans art, et sans aulcun sçavoir :
Toutesfoys tu cuydes avoir