Cette page n’a pas encore été corrigée
Qui de ce Temple a esté Fondateur.
Des ans vesquit pres de Soixante, et douze.
Chez luy mourut. Puis Enfans, et Espouse
L’ont mys au Chœur de sa Fondation,
Où il attend Resuscitation.
De luy encores
Je fuz Jan Cotereau, qui quatre roys servy,
Desquelz (en bien servant) la grâce desservy,
Et dont fut le dernier Françoys premier du nom
Soubz qui je trepassay, Seigneur de Maintenon :
Ayant jà servy France en son privé secret,
Et en ses grands tresors, que laissay sans regret,
Pour venir attendre (en paix) de Mort le jour,
Où ce Temple fonday pour mon dernier sejour.
Des Allemans de Bourges récité par la deesse memoire
Qui veult sçavoir grands accords differents,
Les plus nouveaulx, qu’on veit entre Parens
