Cette page n’a pas encore été corrigée
Les articles de la Foy.
Je croy en Dieu le Pere tout puissant,
Qui crea Terre, et Ciel resplendissant :
Et en son Filz unique Jesuschrist
Nostre Seigneur, conceu du Sainct Esprit :
Et de Marie entiere Vierge né :
Dessoubz Pilate à tort passionné :
Crucifié, mort en croix estendu :
Au Tumbeau mis, aux Enfers descendu :
Et qui de mort reprint vie au tiers jour :
Monta lassus au Celeste sejour,
Là où il sied à la Dextre du Pere,
Pere Eternel, qui tout peult, et tempere :
Et doibt encor’de là venir icy,
Juger les Mortz, et les Vivans aussi.
Au Sainct Efprit ma ferme foy est mise ;
