Cette page n’a pas encore été corrigée
Lors le baisant ainsi mort en la face
Toutes sur luy de leurs yeux espandirent
Nouvelles eaues, et apres le rendirent
Dessus la Terre es mains de ses Amys,
Qui l’ont ensemble en sepulture mys,
Et d’instrumentz de Musique divers
Au Roy du ciel, et du Monde univers
Ont rendu gloire, et immortelles grâces
De l’avoir mis hors des terrestres places
Pleines de maulx, pour le loger en lieu,
Où plus n’endure, et plus n’offense Dieu.
XXIV
Gente Danes de Jupiter aymée
Dedans la Tour d’Arain bien enfermée,
Puis que Fortune adverse de tous biens
Est maintenant envieuse du mien,
Puis que de l’œil elle m’a destourné
