Page:Montaiglon - Recueil général et complet des fabliaux des 13e et 14e siècles, tome III.djvu/204

194

78

fabliau lxxix

Parant el ciel, si con moi samble,
50Li prestres de sa meson s’amble,
Et s’en vint el^[1] boschet seoir,
Por ce c’on nel^[2] puisse veoir.
Mès à la dame mesavint
Que sire Ernous ses mariz vint
55Toz emplus^[3] et toz engelez,
Ne sai dont où il ert alez :
Por ce remanoir là covint^[4].
De son provoire li sovint^[5],
Si se haste d’aparellier,
60Ne le vout pas fere veillier ;
Por ce n’i ot .III.^[6] mès ne quatre :
Après mengier petit esbatre
Le lessa, bien le vous^[7] puis dire ;
Sovent li a dit : « Biaus douz sire,
65Alez gesir, si ferez bien :
Veillier grieve sor toute rien
A homme quant il est lassez ;
Hui avez^[8] chevauchié assez. »
L’aler gesir tant li reprouche,
70Par pou, le morsel en la bouche,
Ne fet celui aler gesir.
Tant a d’eschaper grant desir.
Li bons escuiers i ala,
Qui sa^[9] damoisele apela,
75Por ce que mout la prise et aime.
« Sire, » fet ele, « il me faut traime
A une toile que je fais,
Et si m’en faut encor grant fais

1. 51 — el. C, au.
2. 52 — B, C, Que nus ne le.
3. 55 — emplus. A, C, moilliez.
4. 57 — B, le covient.
5. 58 — B, sovient.
6. 61 — .III. A, .V.
7. 63 — « vous » manque à B.
8. 68 — A, C, Vous avez.
9. 74 — sa. B, la.