Page:Montaiglon - Recueil général et complet des fabliaux des 13e et 14e siècles, tome I.djvu/182

154

22

fabliau xiii

Mès, por ma matère abregier,
Vous conterai tout demanois
Qu’il avint en cel Amienois.
25A Lonc Eve^[1] sor la rivière
Mest uns^[2] vilains, ce m’est avière,
Qui onc n’estoit huiseus trovez.
Mès traveilliez et aouvrez
De messoner^[3] et de soier ;
30Si menoit jarbes à loier
D’un roncinet de povre coust.
Qu’il avoit très devant aoust
Moult mal peu, et bien pené,
Et si en avoit amené
35Son blé, ainz l’août, por l’orage.
Poi ot avaine, et poi forage,
Por bien sa beste gouverner ;
Mais, por ce qu’il ne pot juner.
Et por argent qu’il en vout prendre.
40Se penssa qu’il le menra vendre ;
Ainsi avint com je vos di,
Et, quant ce vint au samedi,
Si matinet come il ajorne
Li vilains son roncin atorne.
45Et frote, et conroie, et estrille ;
En .I. blanc chevestre de tille,
Le maine sanz sele et sanz frain.
Bien sanble roncins mors de fain ;
Si estoit-il, poi s’en faloit.
50Tout ainsi comme^[4] il s’en aloit
Sor le roncin, qui dur le porte,

1. 25 — Lonc-Eve, aujourd’hui « Longueau », près d’Amiens.
2. 26 — un, lisez uns.
3. 29 — messonner, lisez messoner.
4. 50, 63 et 208 — com, lisez comme.