Page:Montaiglon - Recueil général et complet des fabliaux des 13e et 14e siècles, tome I.djvu/199

80

171

des .iii. dames et de l’anel

80Je nel porroie pas soufrir. »
A la terre chéi pasmée ;
Par faint sanblant s’est demorée
Une grande pièce à la terre ;
Samblant fet que li cuer le^[1] serre.
85Li abes li dist franchement :
« Dame, cest duel est por néent ;
Vous déussiez mener grant joie :
Vostre sire est en bone voie ;
Diex l’aime, ce poez savoir
90Qui à son oès le veut avoir. »
El l’otria à quelque paine ;
Uns gars à son ostel l’enmaine.
Où ele trova son ami.
Maint preudome a esté trahi
95Par fame et par sa puterie.
Cil fu moines en l’abéie,
Où il i fu moult longuement.
Por ce chasti-je toute gent
Qui cest fablel oient conter.
100Qu’il ne se doivent pas fier
En lor fames, n’en lor mesnies,
Se il nés ont ainz essaïes
Que plaines soient de vertuz ;
Mains hom a esté decéuz
105Par fame et par lor trahison.
Cil fu moines contre reson,
Qui jà en sa vie nel fust,
Se sa fame nel decéust.
La seconde a moult grant envie

1. Vers 84 — li, lisez le.