Li Chevaliers va cele querre ;
Des quarniax la rue à terre,
Et cele chiet morte pasmée,
Come cele qui fu acourée.
Landemain si compaignon vindrent,
Et lor parlement à li tindrent,
Où lor soingnans alée estoit.
Cil lor respont qu’il ne savoit.
Tant la quistrent et tant alèrent
Qu’an fossez morte la trovèrent,
Dont li demandent l’occoison
Por coi morut, par tel raison.
Li Chevaliers conté lor a
Coment la fame l’argua,
A faire einsis l’occision ;
Le fait et la narracion
Lor a conté, ce est la somme.
Li Chevalier furent prodome ;
Lor compaignon pas ne tuerent.
Adonc la fame entr’ax hucherent
Pour qu’avoit fait tel murtre faire
Et sa compeingne einsis desfaire.
Cele respont : « Jel vos dirai,
Que jà d’un mot n’en mentirai.
Dou deul de ma compeingne avoie,
Pour ce c’on li faisoit plus joie
Qu’à moi, si com il me sembloit,
Et de vos miex amée estoit.
Pour soupeçon de jalousie,
Par hayne traicte d’envie,
Page:Montaiglon - Recueil général et complet des fabliaux des 13e et 14e siècles, tome I.djvu/327
Cette page a été validée par deux contributeurs.
141
299
d’une seule fame
