Page:Montaiglon - Recueil général et complet des fabliaux des 13e et 14e siècles, tome I.djvu/52

III

DU VAIR PALEFROI.

(par huon le roy.)

Manuscrit F. Fr., n^o 837^[1]

1
Por remembrer et por retrère
Les biens c’on puet de fame trère
Et la douçor et la franchise,
Est iceste œuvre en escrit mise ;
5Quar l’en doit bien ramentevoir
Les biens c’on i puet parcevoir.
Trop sui dolenz et molt m’en poise
Que toz li mons nes loe et proise
Au fuer qu’eles estre déussent ;
10Ha ! Diex, s’eles les cuers éussent
Entiers et sains, verais et fors,
Ne fust el mont si granz tresors.
C’est granz domages et granz dels
Quant eles ne se gardent miex :
15A poi d’aoite sont changies
Et tost muées et plessies.
Lor cuer samblent cochet au vent ;
Quar avenir voit-on souvent

1. III. Du vair Palefroi, p. 24.
   Paris, Bibl. nat., Mss. fr. 837, fol. 348 v^o à 355 r^o.

   Publié par Méon, I, 164-208, et traduit par Legrand d’Aussy, IV, 220-235.