Et autre Seignour faire homage,
Vos ravez quite toz vos gages,
Et, se vos Deu servir volez[1]
Ausi come[2] vos solïez,
Le Mercier vos covient paier
.XXX. sols por lui rapaier ;
Or an faites à vostre guisse. »
Com li Moinnes ot la dévisse,
Il vosist[3] estre en s’abaïe ;
Bien voit qu’il n’achapera mie.
« Sire, avant que Deu renoiesse
J’auroe plus chier que paiesse, »
Dit li Moinnes, « .XL. livres.
— De .XXX. sols serés delivres, »
Dist li Sires « seüremant[4]
Et porrez plus hardiemant
Prandre des biens Deu sanz outrage,
Car por lui avez cest domage. »
Li Moinnes plus parler n’an osse,
Meis je vos di à la parclosse
Paia li Moinnes dan Deniers,
Por Deu, .XXX. sols de deniers ;
Por Deu les paia sanz aumosne.
Et li Sires, qui toz biens done,
Gart cels de maie destinée
Qui ceste rimme ont escoutée
Et celui qui l’a devissée.
Done-moi boire, si t’agrée.
Page:Montaiglon - Recueil général et complet des fabliaux des 13e et 14e siècles, tome II.djvu/136
Le texte de cette page a été corrigé et est conforme au fac-similé.
122
260
fabliau xxxvi
Explicit.
![](http://upload.wikimedia.org/wikipedia/commons/thumb/9/97/Montaiglon_-_Recueil_g%C3%A9n%C3%A9ral_et_complet_des_fabliaux_des_13e_et_14e_si%C3%A8cles%2C_tome_II.djvu/page136-1024px-Montaiglon_-_Recueil_g%C3%A9n%C3%A9ral_et_complet_des_fabliaux_des_13e_et_14e_si%C3%A8cles%2C_tome_II.djvu.jpg)