Page:Montaiglon - Recueil général et complet des fabliaux des 13e et 14e siècles, tome III.djvu/130

120

79

fabliau lxx

50Qui à trestot^[1] le sien pooir
Destruit^[2] et essille son cors
Por son seignor^[3] qui estoit mors
« Voiz tu^[4], » dit il à l’escuier,
« Cele dame là essillier^[5]
55Son cors^[6] ? N’a mie son cuer lié.
Certes mout en ai grant^[7] pitié.
— Pitié au^[8] deable vos tient,
Quant il li de^[9] pitié vos vient :
Je gagerai, se vos volez,
60Par si que de ci vos tornez^[10],
Que ja à mout^[11] petit de plet,
Si dolente comme el^[12] se fait,
La foutrai, mès que^[13] vos traiez
En tel lieu que ne nos voiez^[14].
65— Qu’as tu dit, escommeniez ?^[15]
Je croi^[16] que pas crestiens n’ies,
Ainz as ou cors le vif deable^[17]
Quant^[18] contrové as or tel fable.
— Est ce fable^[19] ? Je gageroie
70Vers vos, se gagier m’i osoie.^[20]
— Or i parra que tu feras ;
Ja par moi veüs n’i seras.
Repondre m’irai soubz cel pin^[21]. »
Cil descent jus^[22] de son roncin
75A la terre^[23] et fet chiere morne ;
Vers la dame sa voie atorne^[24] ;
Si dit en bas, non pas en^[25] haut :
« Chere suer, » dit il^[26], « Deus vos saut !
— Saut ? » fet ele^[27], « mès doinst la mort,

1. 50 — C, D, Qui fesoit. — C, duel de som. D, de tot son.
2. 51 — C, Mout grant. D, Grant duel. — C, D, et essilloit.
3. 52 — seignor. C, D, mari.
4. 53 — D, Oz tu. — C, D, fait il.
5. 54 — D, gramoier.
6. 55 — A, Ses cors. — D, Ses cuers, ce m’est vis, n’est pas lié.
7. 56 — D, g’en ai mout.
8. 57 — au. A, du. C, de. D, del.
9. 58 — li de. C, de lui. D, de ce.
10. 60 — tornez. C, tolés. — D, Mais que de ci ne vos mové[s].
11. 61 — A, Que je ja à. C, Que je à.
12. 62 — comme el. B, con el(e). D, conme.
13. 63 — mès que. C, D, se vos.
14. 64 — C, vos le votez. D, vos la voiez.
15. 65 — B, Qu[e] as tu dit, » [dit] il, « maufés. C, Escoumeniez, qu’as tu dit.
16. 66 — A, D, Je cuit. — « pas » manque à B. — C, Nus hom tel merveille ne vit.
17. 67 — C, Mès tu as el cors le deable. D, O tu az o cors lo deiable.
18. 68 — C, D, Qui. — or tel. C, D, si grant.
19. 69 — C, En ceste fable.
20. 70 — C, Envers vos, se gagier m’osoie. D, Se vers vos gager m’an osoie.
21. 73 — cel pin. C, un arbre. D, cel aubre.
22. 74 — A, Lors descent cil. — C, D, Et cil descent desor. — C, un marbre. D, lo maubre.
23. 75 — C, A terre si. D, En l’aitre si.
24. 76 — C, D, torne.
25. 77 — pas en. C, mie. D, mie en.
26. 78 — C, D, fait il.
27. 79 — C, D, Saut ! non face.