Page:Montaiglon - Recueil général et complet des fabliaux des 13e et 14e siècles, tome III.djvu/274

264

50

fabliau lxxxvii

Vous dirai coument il avint.
Grans gentiz homes plus de vint
L’avoient à fame requise ;
Mais ne voloit en nule guise
25Avoir ordre de mariage,
Ainz ot fait^[1] de son pucelage
Veu à Deu et à Notre Dame.
La pucele fu gentilz fame ;
Chevaliers ot estei ces peire^[2] ;
30Meire avoit, mais n’ot suer ne frere.
Mout s’entr’amoient^[3], ce me semble,
La pucele et sa^[4] mere encemble ;
Frere meneur laianz^[5] hantoient,
Tuit cil qui par illec passoient.
35Or avint c’uns en i hanta,
Qui la damoizele enchanta ;
Si vos dirai en queil manière.
La pucele li fist proiere
Que il sa mere requeïst
40Qu’en religion la meïst ;
Et il li dist : « Ma douce amie.
Se meneir voliez la vie
Saint Fransois, si com nos^[6] faison,
Vos ne porriez par raison
45Faillir que vos ne fussiez^[7] sainte. »
Et cele qui fu ja atainte
Et conquise et mate et vaincue,
Si tost com ele ot entendue
La raison dou Frere meneur,
50Si dist : « Ce Dieux me doint honeur,

1. 26 — A, a fet.
2. 29 — B, peires.
3. 31 — A, s’entramerent.
4. 32 — A, et la.
5. 33 — laianz. A, iluec.
6. 43 — A, comme nous.
7. 45 — B, fussi.