Cette page n’a pas encore été corrigée
CXXVIII
DE CONNEBERT
[par Gautier]
Bibl. de Berne, Mss. 354, fol. 156 v° à 159 r°.
Gautiers qui fist del Preste taint
Tant a aie qu’il a ataint
D’une autre prestre la matière
Qui n’ot mie la coille antiere,
Qant il s’an parti de celui
Qui li ot fait honte et enui.
Ensin con i poez entandre!,
Se vos un po volez aprandre,
Je vos dirai trestot briémant
La fin et lo conmancemant,
Conme li prestres fu senez
Et en après don il fu nez,
Lo nom de lui et de la dame
Par qui il reçut si grant dame
Qu’il en porta lo vit sanz coille
Tote baiene et tote doille
Con vint meïsmes à tranchier
A un moût boen rasor d’acier;
Mais il lo fist moût à enviz,
Car moût en enpira ses viz.
