Cette page n’a pas encore été corrigée
CXXXVI DU SEGRETAIN MOINE Paris, Bibl. nat., Mss. fr. 191 52, fol. 36 r° à 3 9 r° Bibl. de Berne, Mss. 354, fol. 1 36 r° à 143 r°. ’un moine vos dirai la vie, Segretain fu de l’abaïe, Qui enama une borgoise
- Qui molt estoit preuz et cortoise;
Ydoine ot non, et son seignor Dant Guillaume le changeor. Ydoine fu bien ensaigniée, Et cortoise et bien affaitiée, Et Guillaume sot bien changier : Molt s’entremist de gaaignier. Assez estoit preuz et cortois, N’amoit pas escot de borgois. Il n’ert mie tavernerez, Ses osteus estoit beaus et nez : La huche au pein n’ert pas fermée, A toz estoit abandonnée. S’uns lechieres li demandoit Du sien, volentiers l’en donoit. Riche gent erent à merveille. Mais Deable, qui toz tens veille,
