Cette page n’a pas encore été corrigée
Du Vilain Asnier
Il avint ja a Monpellier
C'un vilein estoit costumier
De fiens chargier et amasser
A .II. asnes terre fumer.
.I. jor ot ses asnes chargiez; [5]
Maintenant ne s' est atargiez:
El borc entra, ses asnes maine,
devant les chaçoit à grant paine,
Souvent li estuet dire: « Hez! »
Tant a fait que il est entrez [10]
Dedenz la rue as espiciers.
Li vallet batent les mortiers,
Et quant il les espices sent,
Qui li donast .C. mars d' argent,
Ne marchast il avant .I. pas, [15]
Ainz chiet pasmez isnelepas,
Autresi com se il fust morz.
Iluec fu granz li desconforz
