tarque le dit de la metaphysique, Epicurus l’eust encores dict de la rhetorique, de la grammaire, poësie, mathematique, et hors la physique, de toutes les autres sciences : et Socrates de toutes, sauf celle des mœeurs et de la vie. De quelque chose qu’on s’enquist à luy, il ramenoit en premier lieu tousiours l’enquerant à rendre compte des conditions de sa vie, presente et passée, lesquelles il examinoit et iugeoit estimant tout autre apprentissage subsecutif à celuy-la et supernumeraire. Parum mihi placeant ex litteræ quæ ad virtutem doctoribus nihil profuerunt. La plus part des arts ont esté ainsi mesprisés par le mesme sçauoir. Mais ils n’ont pas pensé qu’il fust hors de propos, d’exercer leur esprit és choses mesmes, où il n’y auoit nulle solidité profitable.Au demeurant, les vns ont estimé Plato dogmatiste, les autres dubitateur, les autres en certaines choses l’vn, et en certaines choses l’autre. Le conducteur de ses dialogismes, Socrates, va tousiours demandant et esmouuant la dispute, iamais l’arrestant, iamais satisfaisant : et dit n’auoir autre science, que la science de s’opposer. Homere leur autheur a planté egalement les fondements à toutes les sectes de philosophie, pour montrer, combien il estoit indifferent par où nous allassions. De Platon nasquirent dix sectes diuerses, dit-on. Aussi, à mon gré, iamais instruction ne fut titubante, et rien asseuerante, si la sienne ne l’est.Socrates disoit, que les sages femmes en prenant ce mestier de faire engendrer les autres, quittent le mestier d’engendrer elles. Que luy par le tiltre de sage homme, que les Dieux luy auoyent defere, s’estoit aussi desfaict en son amour virile et mentale, de la faculté d’enfanter : se contentant d’ayder et fauorir de son secours les engendrants : ouurir leur nature ; graisser leurs conduits faciliter l’yssue de leur enfantement : iuger d’iceluy : le baptizer le nourrir : le fortifier : l’emmaillotter, et circoncir : excrçant et maniant son engin, aux peri’s et fortunes d’autruy.Il est ainsi de la plus part des autheurs de ce liers genre, comme les anciens ont remerqué des escripts d’Anaxagoras, Democritus, Parmenides, Xenophanes, et autres. Ils ont vne forme d’escrire douteuse en substance et en dessein, enquerant plustost qu’instruisant : encore qu’ils entresement leur stile de cadances dogmatistes. Cela se voit il pas aussi bien en Seneque et en Plutarque ? combien disent ils tantost d’vn visage, tantost d’vn autre, pour ceux qui y regardent de prez ? Et