Cette page n’a pas encore été corrigée
feu en leurs mambres, & un ou deus d’iceus près d’un mur, rendent l’eau qui vient de la fontene de la court fort basse audessous : c’est une belle piece. Nous y vismes aussi, parmy les autres peintures du planchier, un triomphe nocturne aus flambeaus, que M. de Montaigne admira fort. Il y a deux ou trois chambres rondes ; en l’une, il y a un inscription, que « ce Clesius, l’an 1530, etant envoyé au coronnemant de l’Empereur Charles V, qui fut faict par le Pape Clemant VII, le jour de St. Mathias, Ambassadeur de la part de Ferdinand, Roy de Hongrie & Boëme, Conte de Tirol, frere dudit Empereur, lui esant Evesque de Trante, il fut faict Cardinal » ; & a faict mettre autour de la Chambre & pendre contre le
