Cette page n’a pas encore été corrigée
palo : ce sont des pieces de velours ou de drap. Les jantils homes, en certein endret de la rue où les dames ont plus de veue, courent sur des beaus chevaus la quintaine, & y ont bonne grâce : car il n’est rien que cete noblesse sache si communéemant bien faire que les exercices de cheval. L’eschaffaut que M. de Montaigne fît faire leur cousta trois escus. Il estoit aussi assis en un très-beau endret de la rue. Ces jours-là toutes les belles jantifames de Rome s’y virent à loisir: car en Italie elles ne se masquent pas come en France, & se monstrent tout à descouvert. Quant à la beauté parfaite & rare, il n’en est, disoit il, non plus qu’en France, & sauf
