ET SON ÉPITAPHE 65
Marquis si beaux et si bien mis, Si bien faits et si bien apris, Venez jusque à ma sépulture, Pour apprendre en quelle posture, Il faut que se tienne un marquis. J'attesteray par escriture, Par serment, et par signature, Que vous estes de beaux esprits.
Pardonnez moy, maistre Martin, Si j'ay fait une esgratignure A vostre pourpoint de satin. Priez pour moy soir et matin, Ou je suis flambé, je vous jure, Rate, poumon, foye et fressure, Crin, poil et peau, tripe et boudin, Mon genti joly roquantin, Las ! pardonnez moy cette injure, Ou je suis frit comme un lutin.
Dieux, que de monstres j'ay fait naistre! Que d'ennemys je voy parestre ! J'entends aujourd'huy plus d'un chien Qui m'abboye et me mord en traistre, Qui m'appelle comédien, Qui bouffon, qui luterien, Qui me tient plus meschant qu'un raistre. Las! moy, pauvre Parisien,
6.
