Cette page n’a pas encore été corrigée
sens commun, que de mespriser tous les autheurs modernes, pour courtiser seulement quelques-uns des anciens, comme s’ils estoient seuls paisibles gardiens des plus grandes faveurs que peut esperer l’esprit de l’homme, ou que la nature, jalouse de l’honneur et du credit de ses fils aisnez, eust voulu pousser sa puissance jusques à l’extremité pour les combler de ses graces et liberalitez à nostre prejudice : certes je ne croy pas qu’autres que ces messieurs les antiquaires se puissent arrester à telles opinions, ou se repaistre de telles fables, veu que tant de nouvelles inventions, tant de nouveaux dogmes et principes, tant de changemens divers et inopinez, tant de livres doctes,
