Femme assommee l’enfant estranglera :
Huict captifs prins, s’estouffer sans respit.
XLIV.
Dedans les Isles les enfans transportez,
Les deux de sept seront en desespoir :
Ceux du terroüer en seront supportez,
Nom pelle prins des ligues fuy l’espoir.
LXV.
Le vieux frustré du principal espoir,
Il paruiendra au chef de son empire :
Vingt mois tiendra le regne à grand pouuoir,
Tiran, cruel en délaissant vn pire.
LXVI.
Quand l’escriture D. M.[1] trouuee,
Et caue antique à lampe descouuerte,
Loy, Roy, & Prince Vlpian esprouuee,
Pauillon Royne & Duc sous la couuerte.
LXVII.
Par. Car.[2] Nersaf, à ruine grand discorde,
Ne[3] l’vn ne l’autre n’aura election,
Nersaf du peuple aura amour & concorde,
Ferrare, Collonne grande protection.
LXVIII.
Vieux Cardinal par le ieusne deceu,
Hors de sa charge se verra desarmé :
Arles ne monstres double soit apperceu,
Et liqueduct & le Prince embausmé.
LXIX.
Aupres du ieune le vieux ange baisser,
Et le viendra surmonter à la fin :