LXX.
De Loin viendra susciter pour mouuoir,
Vain descouuert contre peuple infini :
De nul cogneu le mal pour le deuoir[1],
En la cuisine trouué mort & fini.
LXXI.
Rien d’accordé. pire plus fort & trouble,
Comme il estoit. terre & mer tranquiler :
Tout arresté ne vaudra pas vn double,
Dira l’iniq[2], Conseil d’anichiler.
LXXII.
Portenteux fait, horrible & incroiyable,
Typhon fera esmouuoir les meschans :
Qui puis apres soustenus par le cable[3],
Et la plus part exilez sur les champs.
LXXIII.
Droit mis au throsne du ciel venu en France,
Pacifié par Vertu l’Vniuers :
Plus sage[4] espandre. bien tost tourner change,
Par les oyseaux, par feu, & non par vers.
LXXIV.
Les coulorez, les Sacres malcontens,
Puis tout à coup par Androgyns alegres :
De la plus part voir, non venu le temps,
Plusieurs d’être eux ferôt leurs soupes maigres.
LXXV.
Remis seront en leur pleine puissance,
D’vn point d’accord conioints, non accordez :
Tous defiez. plus aux Razes fiance,
Plusieurs d’entre eux à bande débordez.