Le texte de cette page a été corrigé et est conforme au fac-similé.
376
Comme aussi vn bouquet de toutes fleurs ne sçauroit sentir si bon qu’vne seule rose. 232
Plusieurs viandes broyées ensemble ne sçauroyent estre si sauoureuses qu’vn chapon seul. 232
Sans l’action de l’humidité nulle chose ne se pourroit corrompre ne putrifier. 250
Dans les sepulchres bien sellez, les corps se tiennent à tousiours en la forme qu’ils y ont esté mis : à cause de l’aër qui est enclos auec eux.
Tous arbres et autres choses vegetatiues monteroyent directement en haut en leur croissement si ce n’estoit les accidens que i’ay mis en ce liure. 347
Comme les fleuues et ruisseaux sont tortus à cause des montagnes, aussi les racines de tous arbres et plantes ne sont boiteuses que à cause de la position des pierres ou des terres qui sont plus dures à percer à vn endroit que non pas en l’autre. 345, 346
La terre de marne est ennemie des plantes qui ne sont semées par les laboureurs et ne les veut permettre vegeter parmy les bleds semez.
Le soulfre, la geme, la poix-rasine et le bitumen ne sont autre chose que huiles congelées.
En plusieurs contrées et pays des terres douces lointaines de la mer, mesme aux plus hauts lieux des Ardennes, il y a mesme semence qui est en la mer pour l’essence de toutes especes de poissons, comme ie certifie et le prouue par les coquilles lapifiées qui sont par millions audit pays des Ardennes et en plusieurs autres contrées, que l’on pourra voir en ce liure.
Les vents ne sont causez que par vne compression d’air.
Il y a bien peu de choses en ce monde qui ne se puissent par art rendre transparentes.
La marne est vn fumier naturel et diuin, ennemi de toutes plantes qui viennent d’elles mesmes, et generatiue de toutes semences qui ont esté mises par les laboureurs,
