Le texte de cette page a été corrigé et est conforme au fac-similé.
fini palé di Pitit Cayenne la, yé té la pont chainne. Li té vrivri soucou.
— Li six hò, dit Atipa, mo femme ca anttendne mo, pou soupé. En nous descendne, bò di la case.
Yé rentré pa larie bataillon. Lò yé rivé divant case Atipa..
— Mo ca rété, jouq la Louis canmougué, dit Jean-Gailla ; mo c’allé. Mo michant compangnin la, ca anttendne mo, aussi, athò la.
— Gréméci, compè ! mo anpprendne, jodla, quichose mo pas té jain dronmi rêvé.
Yé dit yé compangnin bonsoai, et pis yé séparé.
