Le texte de cette page a été corrigé et est conforme au fac-similé.
— Mo cari, réponne Arial, a pou oune gendanme cabrite, qui malade, yé ca voyé, en France. Ça divaite vrai, pace lò pitit moune dit to, dimain jédi, dimain jédi vrai.
— Mo pencò tendé chanté la. A coument li ca dit ?
— Mé li, dit Atipa, li là-sous lai, allé dada :
Allé, allé, mouché Zédò,
Pas rété pi longtemps encò,
Prend Neinanmoin, pou conseillé,
A ça, oune so, qui té manqué.
Si Bois wlé allé qué to,
Baille li passage, la to bateau,
Nous pas wlé wai ladmistration.
Fait yé passé to la tisanne,
To tête beinsoin bon cataplanme,
Lò to guéri, mo chè captainne,
Crai mo, pas rouvini Cayenne.
— To wai travail, dit Arial ! pitit moune Cayenne ça palò oui !
