Mais encor que mes yeux n’ayent pas l’aduantage
D’admirer de plus pres ſon celeſte viſage,
Elle ſçait toutefois qu’ils ne ſont point diſtraits :
A contempler de loing des ſi rares attraits :
Elle viendra bien-toſt pour me dire elle meſme,
L’eſtime qu’elle fait de mon amour extreme.
Heureux Endymion, d’où te vient ce bon-heur,
Vit-on iamais mortel, receuoir tant d’honneur
D’eſtre conſideré d’vne beauté diuine,
D’vn miracle des Cieux ; de moy ie m’imagine,
Que c’eſt auec raiſon qu’on t’adore en tous lieux ?
Puiſque meſme on te voit dans l’estime des Dieux !
L’on voit deſſus ton corps des merueilles ſi rares,
Qu’elles peuuent toucher les cœurs les plus barbares !
Mille ieunes beautez au ſeul bruit de ton nom,
Vont ſoupirant pour toy.
Ceſſe Polydamon
Ceſſe de me flatter… Mais que vois-ie pareſtre,
Cette femme m’approche.
Et qui pourroit elle eſtre,
Qu’elle extreme vieilleſſe
Elle s’en va mourir,
Elle n’a plus de vie & ne ſçauroit courir.
