Ordonnances des Rois de France
Louis XI,
à Chartres,
iü’Al.i ^6% (ï).
(a) Lettres qui placent l’Hôpital du Pont-Saint-Esprit sous la sauvegarde et la protection royales,
LOYS, par la grâce de Dieu, Roy de France ; sçavoir faisons à tous presens et à venir, nous avoir receu l’umble supplicacion de noz bienamez les recteur, gouverneur ou administrateur, freres donnez, procureurs serviteurs de fhospital et chapelle du Pont-Saint-Esperit en la ville Saint-Saornin du Port (c), evesché d’Usés et seneschaussée de Beaucaire, contenant que anciennement noz pfijjjriecesseurs Roys de France fondèrent et dotèrent ledit hospital, en honneur et Tendance principaument qüe par grâce divine fust commencé ledit Pont-Saint-Esperit, auprès duquel est ledit hospital où sont faiz et continuez de jour en jour le service et moult de beaux euvres charitables aux indigens et passans par-là ; pour consideracion desquelles choses, plusieurs Saints Peres, et mesmement Pappe Caliste (d), ont octroyé et confermé audit hospital plusieurs grans et solempnelz pardons et indulgences, ainsi que par leurs bulles ou vidimus d’icelles pourrait apparoir ; et si ont nosdiz predecesseurs, ou aucuns d’eulx, depputé, commis et ordonné protecteur et gardien d’icelluy hospital ct de ses suppostz, nostre seneschal de Beaucaire ou son lieutenant : et toutes voies, à l’occasion de la guerre qui longuement a duré en nostre royaume et aultrement, plusieurs ont entrepris et encores pourroient entreprendre sur les droiz et appartenances d’icelluy hospital, au grant préjudice desdiz suppotz ; et plus pourroit estre, se nostre grâce et provision ne leur estoient sur ce imparties, si comme ilz dient, en nous humblement requérant icelle. Et pour ce, nous, ayans regard et consideracion aux choses avant dictés, à ce que lesdiz supplians puissent mieulx et plus seurement vacquer et entendre à faire et continuer ledit office divin et euvres charitables oudit hospital et en la chapelle d’icelluy, et prier Dieu pour nous et nosdiz predecesseurs, et aussi estre doresenavant gardez d’oppression et maintenuz en leurs droiz, franchises et libertez ; iceulx avec leurs familles et serviteurs, hommes et femmes de corps, s’aucuns en ont, droiz, choses, possessions et biens quelxconques, tant en chief qu’en membres, avons pris et mis, prenons et mectons par ces présentes, à tousiours mais, en et soubz nostre protection et sauvegarde especial, à la conservacion de leurs droiz tant seulement ; et en entretenant les entendons et bons propos de nosdiz predecesseurs, leur avons donné, commis et depputé, ou cas dessusdits, protecteur et gardiateur d’eulx et de leursdictes familles, hommes et femmes de corps, s’ilz en ont, comme dit est, droiz, possessions, franchises et libertez, nostredit seneschal de Beaucaire et son lieutenant présent et advenir, auquel nous mandons et commcctons par ces Notes.
(a) Trésor des chartes, registre 198 , venir qu’il devint Roi le 22 juillet 14^** pièce 345- (c) Avant la construction du pont, le üeu (b) Quoique le jour 11e soit pas indiqué étoit connu sous 1e nom de Port ; et ceno.a dans ces lettres patentes et dans celles qui resta pour désigner l’endroit où l’on abordoit, vont suivre, elles sont toutes antérieures au et où étoit un monastère dédié à Saint- a 22 juillet : il suffit, pour en être sûr, de vournin. remarquer qu’elles sont datées de la première (d) Calixte III, mort peu d années avant année du règne de ce prince, et de se sou- que Louis XI montât sur le trône.
