Page:Pastoret - Ordonnances des rois de France de la troisième race, tome 15.djvu/627

La bibliothèque libre.
Cette page n’a pas encore été corrigée

Ordonnances des Rois de France

Lours XI,

à Rouen,

Août i46z.

(a) Approbation de quelques Articles ajoutés aux Statuts des Drapiers de Rouen (b), sur l’argent donné ou dépensé par les Maîtres nouvellement reçus.

é

LOYS, par la grâce de Dieu, Roy de France ; sçavoir faisons à tous presens et advenir, que comme les prevost, eschevins et freres de la charité du Saint-Sacrement, séant en l’esglise Saint-Nicaise de nostre ville de Rouen et plusieurs des maistres du mestier de tistre (c) en draps en la drapperie dé Rouen, nous ayent fait exposer que ladicte charité qui est fondée et establie de grant ancienneté, est maintenue et soustenue en la pluspart par |es maistres et ouvriers dudit mestier de tistre ; et en icelle, avec le service divin qui se y fait, sont faictes et accomplies plusieurs euvres charitables, et par especial sont donnez et aumosnez, chacune sepmaine, certains deniers aux freres d’icelle charité, qui sont anciens , malades, pouvres et indigens, et qui, pour occasion desdictes choses, ne pevent plus gaigner leurs vies : et pour ce que lesdiz exposans doubtoient que les deniers de leurdicte charité ne peussent fournir, sans avoir aucun ayde, à continuer aux charges de ladicte charité et entretenement du divin service, eussent entre eulx et d’un commun assentement advisé certains vins et boissons accoustumez estre payez par lesdiz maistres et ouvriez dudit mestier de tistre en draps, pour les vinaiges dudit mestier estre appliquez et convertis en ladicte charité, selon la forme et maniéré declairée en certains articles contenuz ès lectres sur ce faictes et passées du consentement desdiz exposans, par le bailly dudit lieu de Rouen, appellé nostre procureur, desquelles la teneur s’ensuit :

A tous ceulx qui ces présentes lectres verront et orront, Pierres Daron, lieutenant général de noble homme monsieur Guillàume Cousinot, chevalier, seigneur de MontereuI-sur-le-Bois, conseiller et chambellan du Roy nostre seigneur, et son bailly de Rouen, salut. Comme les prevost, eschevins et freres de la charité du Saint-Sacrement, séant en l’esglise de Saint-Nicaise de Rouen, et plusieurs des maistres du mestier de tistre en draps en la drapperie de Rouen, nous ayent puis n’a gueres exposé que ladicte charité qui est ordonnée et establie de grant ancienneté en ladicte perroisse Saint-Nicaise, est maintenue et soustenue en la plus grande partie par les maistres et ouvriers dudit mestier de tistre en draps, lesquelz presque tous sont freres, serviteurs et gouverneurs de ladicte charité, en laquelle, avec le service divin qui y est célébré, sont faictes et accomplies plusieurs euvres charitables ; par especial, sont baillez, donnez et aumosnez, chascune sepmaine, certains deniers aux freres de ladicte charité qui sont malades, anciens, pouvres et indigens, pour cause desquelles indigences ilz ne pourroient gaigner leurs vies, et lesquelz, moyennant lesdictes aumosnes, sont aucunement substantez et soustenuz, et aultrement seroient contraim» Notes.

(^Trésor des chartes,reg. 198, pièce 44°- 68 et suiv. ; et le tome XIV• fa$es 47 2 tlsul>' (b) Voir le tome XIIIt pages jj et suiv. (c) Faire un tissu.