DE LA TROISIEME RACE. ipp
que ledit prieure est membre dependant de l’eglise de Saint Remy de Reims, en laquelle repose et est gardée la sainte et miraculeuse Ampoule dont avons receu la sainte uncion, et si est ledit prieuré de fondacion royal, et qui a été fondé par noz predecesseurs Roys de France, le temps passé, de plusieurs belles rentes, fondacions et doctations ; et, entre autres choses, y a esté donné et laissé par nosdits predecesseurs la seigneurie et village dudit Corbeny, qui est le principal membre de la fondacion dudit prieuré, qui est à présent si depopulé et diminué d’habitans qu’il est de petite valeur ; et, afin qu’il se puisse plustost reparer et habiter , et que lesdits prieur, religieux et autres servans Dieu audit prieuré puissent mieux vivre , faire et continuer le divin service qui y a acoustumé de y estre fait le temps passé, et prier Dieu pour nous et nosdiz predecesseurs fondateurs dudit prieuré, et aussi, que lesdiz supplians et autres voulans venir deinourer et eulx habiter audit lieu, lequel, depuis les guerres qui y ont depuis long-temps eu cours, ne s’est peu ne peut repopuler , habiter ne mectre en estât en quoy il souloit estre par avant icelles, pour ce que les gens à qui estoient les manoirs et appartenances qui ont esté demolies et bruslées par le temps desdictes guerres, les aucuns sont morts et les autres s’en sont allez et absentez pour la foulle des tailles, des gensdarmes et autres charges qu’ilz en ont eu à supporter ; par quoy lesdiz supplians, pour augmenter et repopuler ledit lieu, vouldroient voulentiers avoir en icellui lieu quelque franchise et privilège, s’il nous plaisoit le leur octroyer, si comme ilz dient, demandant humblement sur ce nostre grâce. Pourquoy nous, les choses dessusdictes considérées, voulans et desira.nâ ledit lieu de Saint-Marcoul de Corbeny estre augmenté et repopulé, en faveur du glorieux corps de Saint Marcoul, lequel repose en l’eglise dudit lieu, et auquel nous avons singulière devocion, afin que icellui lieu se puisse augmenter et repopuler et que l’on ait plus grant désir de y demourcr ou habiter, converser et reediffier, et que les rentes et revenues de ladicte eglise puissent revenir et retourner en valeur, et que le divin service soit fait et continué en ladite eglise ainsi qu’il souloit faire et estre fait le temps passé, et que lesdits prieur, religieux et autres servans Dieu en ladite eglise, y puissent vivre et estre entretenuz honnestement et prier Dieu et le benoist corps sainct pour nous et nosdiz predecesseurs fondateurs de ladicte eglise , ausdiz supplians et a leurs successeurs, pour les causes dessusdictes et autres à ce nous mouvans, en faveur dudit glorieux corps sainct, avons octroyé et octroyons de grâce especiale par ces présentes, que, en nous faisant et payant par chacun an, pour toutes aides et tailles, la somme de dix livres à nostre recepte sur le fait de nos aides en l’clection de Laon, ilz et tous ceulx qui vouldroient venir reediffier maisons et héritages, habiter et demourcr audit lieu et village de Corbeny, soient perpétuellement, eux et leurs successeurs, demourans audit lieu et village, francs, quictcs et exemps de toutes tailles, aides et subeides et subvencions quelzconques qui seront d’ores en avant mises sus en nostre royaume de par nous et noz successeurs, et desquelles choses et charges dessusdictes , de nostre grâce espccial, pleine puissance et auctorité royal, nous les avons afïranchiz, exemptez et quit tez, affranchissons,quictons et exemptons par cesdictes présentés, à commencer ledit affranchissement le premier jour d’octobre prochainement venant, sans ce que, pour quelque charge ou creue de tailles, emprunts ne autre chose, ilz soient tenuz ne subgets, ores et pour le temps advenir, ne aucun d’eulx, à paier, fors ladicte somme de dix livres tournois par chacun an à nostre recepte de Laon, comme dessus est dit. Si donnons en mandement à noz amez et féaulx gens de noz Tome XVIII. Pp »j
L o u i s Xt,
à Arras,
Septembre
‘47 7’
