Page:Pastoret - Ordonnances des rois de France de la troisième race, tome 18.djvu/734

La bibliothèque libre.
Cette page n’a pas encore été corrigée

DE LA TROISIÈME RACE. 669

ne autrement, nommer ou appeller Arras, et lequel nom cTArras nous avons supprime et aboly, supprimons et abolissons, et prohibons et deffendons de n’en jamais nommer ou appeller nosdites ville et cité de Franchise par le nom d’Arras, sur peine d’en estre pugniz griefvement, et lequel nom de Franchise nous avons imposé et imposons à nosdites ville et cité, et voulions qu’ellez soient ainsi escriptes, dictées, nommées et appellées à perpétuité. ((>2) Item. Et, de nostre plus ample et plus abondant grâce, voullonz et nous plaist que les plaines armes de nosdites ville et cité soient ung escu d’azur, et dedans l’imaige de Monsieur Saint Denys très-glorieux martir, tenant son chef entre ses deux mains, ainsi qu’on a accoustumé empreindre ou enlever (a) la figure ou representacion, et sera en oultre ledit escu semé de fleurs de lys d’or ; lesquelles pleines armes lesdits maire et eschevins, presens et futurs, feront mectre et empraindre au grand sceau de leur eschevinage, et en leur scel de contractz feront empraindre et mectre ung chef de Monsieur Saint Denis, et deux angelz qui le tendront aux deux coustez , et semer le champ de fleurs de lys, et au contre-scel feront mectre et empraindre au milieu une F, qui signifiera le nom Franchise (b), ct à chascun cousté de ladite F, une L couronnée, et semer pareillement le champ de fleurs de lys : et voulions et ordonnons que lesdites armes et empraintes de sceaulx ne puissent estre muez ne changez d’ores en avant en quelque forme ou maniéré que ce soit ; et lesquelles plaines armes de nosdites ville et cité de Franchise lesdits maire ct eschevins pourront bailler et faire porter par leurs chevaucheurs et messaigiers, et lez feront paindre ou enlever au dessoubz des armes de France, à toutes les portes de nosdites ville et cité, à leur hostel commun, et partout ailleurs où faire le vouldront. Et aussi pourront lesdits maire et eschevins prendre pour une foys, ou à chascune mutacion d’eschevinaige, telle livrée ou devise que bon leur semblera.

Si donnons en mandement à nostre amé et féal chancellier et gens de nostre grant conseil, à noz amez et féaulx conseilliers lez gens tenans et qui tiendront nos cours de parlement à Paris, Thoulouze, Bourdeaulx, Grenoble et Dijon , gens de noz comptes, trésoriers et generaulx de noz finances et de la justice de noz aides à Paris, à Rouen, à Thoulouze, aux prevostz de Paris, bailly de Vermandoys, Caulx , Caen , Constantin, Evreux , Gisors, Alençon, Touraine, Berry, Amyens, Chartres, Mascon , Montargis, Montferrand, Saint-Pierre le Moustier, Victry, Troyes, Chaumont, Sens, Meaulx, Senlis, Mantes, Melun, seneschaulx de Poictou, de Guienne, Xaintonge, Perigort, Anjou, Limosin, Quercy, Beaucaire, Thoulouze, Carcassonne, Lyon, Rodés, et à tous nos autres justiciers et officiers ou à leurs lieuxtenans, et à chascun d’eulx si comme à lui appartiendra, que cesdites présentes et tout le contenu en icelles ils et chascun d’eulx en droit soy facent lire, publier et enregistrer en nosdites cours de parlement, chambre des comptes et de la justice de nosdites aides, et en toutes leurs autres cours, juridictions et auditoires, et en facent, seuflrent ct laissent joyr lesdits cappitaine gouverneur, maire, eschevins et tous lesdits marchands, mesnagiers, manans et Notes.

(a) Le relief en sculpture ou en menui¬

serie s’appeloit enleveure.

(b) Cette image de Saint Denis placée au

milieu des nouvelles armes données par le Roi

a fait dire à quelques historiens que le mot de Franchise n’avoit été employé que pour énon¬

cer ville françoise. Il eût été difficile de donner une telle interprétation à la nouvelle dénomination de la ville d’Arras, si ces historiens avoient lu les lettres que nous venons de publier.

Louis XI,

à Chartres,

Juillet 1481 •