Le texte de cette page a été corrigé et est conforme au fac-similé.
Juges de mon innocence,
Que sur moy j’eusse trop mieulx
Desiré si grand offence.
Et pour ce que la dent feit
Si oultrageux malefice,
Et que tant vers vous meffeit
Je veulx bien, qu’on la punisse.
Voicy la dent, & la hure,
Qui ont causé tel esmoy :
Las, de leur male avanture
Prenez vengeance sur moy.
Ainsi de l’offence grande
Le povre Porc s’excusoit :
Et toutes fois pour l’amande
A la mort il s’accusoit.
Si grande estoit la douleur,
Et le regret, qu’il souffroit,
(Comme cause du malheur)
Qu’a tout tourment il s’offroit.
Parquoy toute l’assistence
